Nəhənglərimiz çempionluq uğrunda mübarizəni davam etdirir, Azərbaycan Kuboku isə bu alovlu qarşıdurmanın daha bir xəttinə çevrilir. Bu MelBet baxışında 3 aprel tarixində keçiriləcək yarımfinalın ilk oyunu haqqında danışırıq.
Qarabağ rəqibin özünəinamını sarsıtmaq istəyir
Bu mövsümdə Qarabağ trofeysiz qala bilər. Kəpəzə qarşı məyusedici məğlubiyyətdən sonra «Köhlən Atlar»ın çempionatda Sabahdan geri qalması 10 xala çatıb. Hətta ehtiyatda bir oyun olsa belə, bu fərqi aradan qaldırmaq asan olmayacaq.
Sabah ötən ilin yayından bəri məğlub olmur və öz gücünə maksimum inanır. Azərbaycan Kubokunun yarımfinalının ilk oyunu Qurban Qurbanovun komandası üçün daxili arenada hər iki trofey uğrunda mübarizədə vacib psixoloji üstünlük qazanmaq şansıdır. Mart ayında ağdamlılar artıq belə bir imkan əldə etmişdi, lakin 60-cı dəqiqəyə 0:3 hesabı ilə geri düşdükləri oyunda yalnız 3:3-lük heç-heçə ilə kifayətlənmişdilər.
Azərbaycan çempionatında uzunmüddətli dominantlığa baxmayaraq, kubok yarışında «Köhlən Atlar» o qədər də uğurlu olmayıb. Son səkkiz mövsümdə ağdamlılar cəmi üç dəfə finala çıxıb və iki dəfə kuboku qazanıblar.
Sabah Azərbaycan futbolunda liderliyi ələ keçirə biləcəkmi?
Ötən ilin yayında komandaya rəhbərlik etməyə başlayan Valdas Dambrauskas əla iş görüb: Sabah parlaq hücum futbolu nümayiş etdirir və inamla trofeylərə doğru irəliləyir. «Bayquşlar» son üç oyunu ümumi 15:2 hesabı ilə qazanıb. Lakin baş məşqçi etiraf edir ki, beynəlxalq fasilə komandanın ritmini poza bilərdi.
Azərbaycan Kuboku 2024/25 Sabahın tarixində ilk trofey oldu. Komandanın məqsədi aydındır – titulu qorumaq və futbolumuzda yeni dövrün başladığını təsdiqləmək. Lakin London Arsenalının əvvəlki illərdəki nümunəsi göstərir ki, bir uğursuzluq ardıcıl nəticəsizliyə səbəb ola və sonda uğursuzluğa gətirib çıxara bilər.
Beynəlxalq fasilədən əvvəl Valdas Dambrauskas komandanın üzərindəki təzyiqi maksimum azaltmağa çalışırdı: «İstəyirəm ki, futbolçular 3-4 gün futbolu unutsunlar. İnanıram ki, yaxşı formadayıq və hazırıq. Qayıtdıqdan sonra da belə olacağıq.»
Komandaların turnir yolu
1/8 finalda Qurban Qurbanovun yetirmələri Karvanı 3:0 hesabı ilə məğlub etdi, ilk qolu isə yalnız 80-ci dəqiqədə vurdu. 1/4 finalda da asan olmadı. Şamaxı ilə ilk oyunda «Köhlən Atlar» 1:2 hesabı ilə uduzdu və yalnız cavab matçının ikinci hissəsində oyunun gedişini öz xeyrinə dəyişə bildi (3:1).
Sabah turnirdə yoluna 1/8 finalda İmişli ilə oyunla başladı: Valdas Dambrauskasın komandası əlavə vaxtda qələbəni qopardı. Növbəti mərhələdə «Bayquşlar» Qəbələ ilə qarşılaşdı və əsl triller yaşandı. Ev oyununda Sabah 0:0 hesablı heç-heçə etdi (rəqib penalti istifadə edə bilmədi), cavab matçında isə komandalar əsas vaxtda hərəyə iki qol vurdu, əlavə vaxtda da qol mübadiləsi oldu və qalib yalnız penaltilər seriyasında müəyyənləşdi (4:2 «Bayquşlar»ın xeyrinə).
Ötənilki Sumqayıt dramı və matçdan gözləntilər
Yeddi qol, 90+7-ci dəqiqədə Sabahın xilasedici qolu, qaçırılan penaltilər və hakimdən çoxsaylı kartlar – bu komandaların Azərbaycan Kubokunda əvvəlki qarşılaşması (2024/25 mövsümünün finalında Sabahın 3:4 hesablı qələbəsi) MelBet сasino səviyyəsində emosiyalar bəxş etdi və futbol tariximizin ən parlaq matçlarından biri kimi yadda qaldı.
Həmçinin favorit seçmək üçün sənə kömək edəcək bir neçə maraqlı statistik fakt təqdim edirik:
- Son 12 şəxsi qarşılaşmanın hamısında hər iki komanda qol vurub.
- Azərbaycan Kubokunda son 3 qarşılaşmada ümumilikdə 20 qol vurulub.
- Qarabağ bütün turnirlər üzrə son 6 oyundur Sabahı məğlub edə bilmir.
- Sabah son 4 səfər oyununda Qarabağı məğlub edə bilməyib.
Hər iki komandanın cəsarətli oyun üslubu, qarşılaşmaların zəngin tarixi və matçın önəmi final fitinə qədər əsl futbol şousu və yüksək gərginlik vəd edir.
Azərbaycan Kubokunun top matçına ən yaxşı əmsallarla MelBet ilə mərc et!
