AFFA tərəfindən təşkil olunan U-14 Liqasının 2024/2025-ci il mövsümünə yekun vurulub. Bayıl stadionunda keçirilən final mərhələsində ilk olaraq üçüncü yer uğrunda oyun, daha sonra isə final qarşılaşması baş tutub.
Sport-az.com xəbər verir ki, bürünc medal uğrunda matçda “Sabah” komandası “Qəbələ”ni 7:2 hesabı ilə məğlub edərək turnirin üçüncüsü olub.
Ardınca keçirilən həlledici qarşılaşmada “Qarabağ” və “Ulduz” komandaları qarşılaşıb. “Qarabağ” 1:0 hesabı ilə qələbə qazanaraq çempionluğa yiyələnib, “Ulduz” isə gümüş medal əldə edib.
Mükafatlandırma mərasimində:
- “Sabah” komandası bürünc medal,
- “Ulduz” komandası gümüş medal,
- “Qarabağ” komandası isə qızıl medal və kubok ilə təltif olunub.
Fərdi nominasiyalar üzrə:
- İlham Qubadov (“Amasiya”) – ən məhsuldar oyunçu (mövsüm ərzində 38 qol)
- Ramil Əmirquliyev (“Qarabağ”) – mövsümün ən yaxşı oyunçusu
Mükafatları AFFA-nın Yarışların təşkili departamentinin rəisi Emin Cəfərov və U-18 milli komandasının baş məşqçisi İlham Yadullayev təqdim ediblər.
