“Qarabağ” klubunun futbolçusu Marko Yankoviç və “Neftçi”nin oyunçusu Edvin Kuç Monteneqro milli komandasına dəvət alıblar.
Sport-az.com-ın məlumatına görə, hər iki futbolçu Millətlər Liqası çərçivəsində Türkiyə və Uels milli komandalarına qarşı keçiriləcək oyunlar üçün Monteneqro millisinə çağırılıb.
“Qarabağ”ın digər futbolçusu Marko Veşoviç isə zədə səbəbindən bu dəfə milli komandaya qoşula bilməyib və Millətlər Liqasının bu oyunlarından kənarda qalıb.
Monteneqro millisi oktyabrın 11-də Türkiyə, oktyabrın 14-də isə Uelslə qarşılaşacaq.
