Bu gün Azərbaycan Kubokunun 1/4 final mərhələsi çərçivəsində iki cavab görüşü keçirilib və yarımfinala yüksələn ilk iki komanda müəyyənləşib.
sport-az.com xəbər verir ki, ilk oyunda “Qarabağ” komandası Tofiq Bəhramov adına Respublika Stadionunda **”Səbail”**i qəbul edib. İlk qarşılaşmada 1:0 hesabı ilə qalib gələn Qurban Qurbanovun yetirmələri bu dəfə də rəqibinə şans verməyib. Görüş 3:1 hesabı ilə **”Qarabağ”**ın xeyrinə başa çatıb və komanda yarımfinala yüksəlib.
Günün digər matçında isə “Sumqayıt” klubu Masazırda **”Sabah”**ı qonaq edib. İlk oyunda 0:0 hesablı heç-heçə qeydə alınmışdı. Bu dəfə isə Vasili Berezutskinin rəhbərlik etdiyi “Sabah”, rəqibini 4:0 hesabı ilə məğlub edərək yarımfinala yüksəlib.
Qeyd edək ki, 1/4 final mərhələsinin daha iki qarşılaşması – “Zirə” – “Araz-Naxçıvan” və “Neftçi” – “Kəpəz” matçları sabah keçiriləcək.
Azərbaycan Kuboku, 1/4 final, cavab oyunları
27 fevral
“Qarabağ” – “Səbail” 3:1
Qollar: Musa Qurbanlı, 13; Emin Rüstəmov, 43 (öz qapısına); Nəriman Axundzadə, 55 – Rüfət Abdullazadə, 15.
Hakimlər: Cavid Cəlilov, Müslüm Əliyev, Eyyub İbrahimov, Kamran Əliyev.
VAR: Rauf Allahverdiyev, Şirmamed Mamedov.
Hakim-inspektor: Vüsal Əliyev.
AFFA nümayəndəsi: Elçin Məmmədov.
Tofiq Bəhramov adına Respublika Stadionu.
İlk oyun: 1:0
“Sumqayıt” – “Sabah” 0:4
Qollar: Anatoli Nuriyev, 55; Xəyal Əliyev, 71; Coy Lens Mikels, 81; Amin Seydiyev, 90+3.
Hakimlər: Elçin Məsiyev, Elşad Abdullayev, Pərvin Talıbov, Rauf Cabarov.
VAR: Nicat İsmayıllı, Rəhman İmami.
Hakim-inspektor: Anar Salmanov.
AFFA nümayəndəsi: Mübariz Hüseynov.
Mehdi Hüseynzadə adına Sumqayıt şəhər stadionu.
İlk oyun: 0:0
Növbəti oyunlar – 28 fevral
16:00. “Zirə” – “Araz-Naxçıvan”
İlk oyun: 0:1
19:30. “Neftçi” – “Kəpəz”
İlk oyun: 2:0
