“Qarabağ” Avropa Liqasının Liqa mərhələsində mübarizəyə start verir.
Sport-az.com xəbər verir ki, Ağdam təmsilçisi yeni formatda keçirilən turnirdə bu gün ilk oyununa çıxacaq. Qurban Qurbanovun rəhbərliyi altında “Qarabağ” Londonda “Tottenhem”ə qarşı oynayacaq.
Matç Bakı vaxtı ilə saat 23:00-da başlayacaq.
Qeyd edək ki, “Tottenhem” “Qarabağ” üçün tanış rəqibdir. Bu komandalar 2015-ci ildə də iki dəfə qarşılaşıblar. Həmin vaxt Avropa Liqasının qrup mərhələsində hər iki oyunda “Tottenhem” qalib gəlib – Londonda 3:1, Bakıda 1:0 hesabı ilə.
Xatırladaq ki, Avropa Liqasının Liqa mərhələsində ilk 8 komanda birbaşa 1/8 finala yüksəlir, 9-24-cü yerləri tutanlar isə pley-off mərhələsində mübarizə aparacaqlar. 25-36-cı yerləri tutan komandalar isə turnirdən ayrılırlar.
23:00. “Tottenhem” (İngiltərə) – “Qarabağ” (Azərbaycan)
London, “Tottenhem Hotspur” stadionu
Baş hakim: Villi Delajo (Fransa)
