“Quba” basketbol klubu yeni transferini reallaşdırıb və ABŞ-dən olan təcrübəli oyunçu Kris Klarkla mövsümün sonuna qədər müqavilə imzalayıb.
Klark basketbol karyerası ərzində dünyanın müxtəlif ölkələrinin komandalarında çıxış edib. Onun keçmiş klubları sırasında Səudiyyə Ərəbistanının “Əl-Ənsər”, İngiltərənin “London Lions” və “MK Lions”, ABŞ-dən “Vestçester Kniks”, Uruqvayın “Penyarol”, Avstraliyanın “Moldura Heat”, Lüksemburqun “Kontern” və “Avanti Mondorf”, Boliviyanın “Bolmar”, Almaniyanın “Giessen” və Azərbaycanın “Şəki” komandaları yer alır.
190 sm boya malik 40 yaşlı basketbolçu son olaraq “Naxçıvan” klubunda oynayıb. Onun “Quba”ya gəlməsi komandanın mövsümün sonuna kimi daha güclü rəqabət aparmasına imkan yaradacaq.
