“Mançester Siti” klubunun ispaniyalı baş məşqçisi Xosep Qvardiola çox cazibədar bir təklif alıb. Sport-Az-ın El Nacional-a istinadən verdiyi məlumata görə, 54 yaşlı təcrübəli mütəxəssisə Səudiyyə Ərəbistanının çempionatında çıxış edən klublardan biri tərəfindən təklif göndərilib. Təklif olunan müqavilədə Qvardiolanın maaşı hazırda İngiltərə klubunda aldığı məvacibdən dəfələrlə çox olacaq.
“Mançester Siti” rəhbərliyi ispan məşqçinin komandadakı böhranı aradan qaldıracağına inanır və bu səbəbdən klubdan ayrılıb-ayrılmamaq qərarını Qvardiolanın özünə buraxıb.
Hazırda “Mançester Siti” İngiltərə Premyer Liqasında 26 turdan sonra turnir cədvəlində dördüncü pillədə qərarlaşıb. Komanda Çempionlar Liqasında pley-off mərhələsində Madridin “Real” klubuna iki oyunun nəticəsinə görə 3:6 hesabı ilə məğlub olaraq mübarizəni dayandırıb.
