“Real Madrid” rəhbərliyi İspaniya Superkubokunun finalında “Barselona”ya 2:3 hesablı məğlubiyyətə baxmayaraq, baş məşqçi Xabi Alonsoya etimad göstərməkdə davam edir.
Məşhur “Diario AS” nəşri və insayder Feliks Diasın məlumatına görə, “kral klubu” tələsik qərarlar vermək niyyətində deyil. Klub rəhbərliyi ispaniyalı mütəxəssisin işindən razıdır və komandanın inkişafda olduğunu hesab edir. Hazırda rəhbərliyin əsas diqqəti baş məşqçini dəyişməyə deyil, heyəti gücləndirməyə yönəlib.
Klubun əsas hədəfləri: Mənbə bildirir ki, “Real”ın hazırkı prioriteti futbolçuların fiziki hazırlığını yüksəltmək və son zamanlar artan zədələrin qarşısını almaqdır.
Qeyd edək ki, “Real Madrid” bu mövsüm həm La Liqa, həm ölkə kuboku, həm də Çempionlar Liqasında mübarizəni davam etdirir. Hazırda daxili çempionatda 45 xalla ikinci pillədə qərarlaşan “los blankos” lider “Barselona”dan cəmi 4 xal geri qalır.
