Prezident Florentino Peres futbolçunun davranışından narazıdır
Madridin “Real” klubunun braziliyalı ulduzu Viniçius Junior yeni müqavilə ilə bağlı tələbləri səbəbindən rəhbərliyin narazılığına səbəb olub. Sport-az.com xəbər verir ki, futbolçu müqaviləsini yalnız bir halda uzatmağa razıdır — əgər maaşı Kylian Mbappé səviyyəsinə (ildə 30 milyon avrodan çox) yüksəldilərsə.
Məhz bu tələb klub prezidenti Florentino Peresi qəzəbləndirib. İspan mətbuatının yaydığı məlumata görə, Peres artıq oyunçunu satmağa hazırdır: “Real” özünü klubdan üstün hesab edən futbolçu ilə müqavilə uzatmayacaq”, – deyə klub prezidenti qəti şəkildə bildirib.
Viniçiusun statistikası və bazar dəyəri
2024/25 mövsümündə Viniçius 58 oyunda meydana çıxıb, 22 qol vurub və 19 məhsuldar ötürmə edib. Transfermarkt portalına əsasən, onun bazar dəyəri 170 milyon avrodur.
