Ağdamın “Qarabağ” futbol klubu mövsümün sonunda heyətdə dəyişikliklərə hazırlaşır. Komanda rəhbərliyi ilk olaraq albaniyalı hücumçu Redon Cica ilə yolları ayırmağı planlaşdırır.
Klubda gözləntiləri doğrultmadı
İki ildən artıqdır ki, “Qarabağ”ın formasını geyinən 26 yaşlı futbolçu əsas heyətdə sabit yer tuta bilməyib. Bu durum onun Albaniya yığmasındakı mövqeyinə də təsir göstərib – Redon artıq millinin heyətinə çağırılmır.
Legioner limiti ləğv olunur
Qarşıdan gələn mövsümdən legioner limitinin ləğvi Cicanın komandadakı perspektivlərini daha da zəiflədir. Klub daha təcrübəli və səviyyəli əcnəbi oyunçularla güclənməyi qarşısına məqsəd qoyub.
Albaniyaya dönüş planı
Redon Cica da mövcud vəziyyəti başa düşür və yay transfer pəncərəsində Albaniyanın iddialı klublarından birinə keçid etməyi düşünür. Məqsəd – doğma ölkəsində uğurlu çıxışla yenidən milliyə qayıtmaqdır. “Qarabağ” rəhbərliyi də onun gedişində maraqlıdır və uyğun təklif daxil olduqda transferə dəstək verəcək.
Qeyd edək ki, Redon Cica ilə “Qarabağ” arasındakı müqavilə 2026-cı ilin yayına qədər qüvvədədir.
