“İnter”, “Real Madrid” və “Milan” kimi nəhəng klubların keçmiş hücumçusu, futbol əfsanəsi Ronaldo Braziliya Futbol Federasiyasının prezidenti postuna namizədliyini irəli sürüb.
Sport-Az xəbər verir ki, bu barədə məlumatı “RMC Sport” yayıb. Ronaldo namizədliyini açıqlayarkən əsas məqsədini də vurğulayıb:
“Mənim yüzlərlə motivasiya mənbəyim var. Amma ən vacibi Braziliya futbolunun dünya miqyasındakı hörmətini özünə qaytarmaqdır” – deyə o bildirib.
Ronaldo haqqında xatırlatma
Ronaldo futbol tarixində ən uğurlu oyunçulardan biridir:
- İkiqat Dünya çempionu (1994, 2002);
- İki dəfə Dünya çempionatının gümüş medalçısı (1998);
- İki dəfə Amerika Kubokunun qalibi;
- İki dəfə Qızıl top və Qızıl buts mükafatçısı;
- Peşəkar karyerasını 2011-ci ildə Braziliyanın “Korintians” klubunda başa vurub.
Ronaldonun prezident seçkilərində əsas məqsədi, Braziliya futbolunun əvvəlki şöhrətini bərpa etmək və onun dünya futbolundakı nüfuzunu yüksəltməkdir.
