Azərbaycan Premyer Liqası çərçivəsində 22-ci tur matçında Şamaxı doğma meydanda Sumqayıt üzərində qələbə qazandı. Sport-Az-ın məlumatına görə, Şamaxı şəhər stadionunda baş tutan görüş ev sahiblərinin minimal üstünlüyü ilə yekunlaşdı – 1:0.
Oyunun yeganə qolunu 60-cı dəqiqədə Brahim Konate vurdu. Bu nəticədən sonra Şamaxı xallarını 20-yə çatdıraraq turnir cədvəlində 8-ci pilləyə yüksəldi. Sumqayıt isə 22 xal toplayaraq çempionatın 6-cı yerində qərarlaşıb.
Qeyd edək ki, turun son oyunu Bank Respublika Arenada Sabah və Turan Tovuz arasında keçiriləcək. Digər qarşılaşmalar 10 və 11 fevral tarixlərində baş tutacaq.
