Azərbaycan Basketbol Liqasının B qrupunda VI turun çərçivəsində daha bir oyun baş tutub. Quba Olimpiya İdman Kompleksində keçirilən qarşılaşmada “Quba” komandası “Şarhadçı” ilə üz-üzə gəlib. Gərgin keçən görüşdə qonaqlar 86:82 hesabı ilə qalib olublar.
Bu gün B qrupunda digər matç Bakı İdman Sarayında keçiriləcək. Burada saat 19:00-da “Naxçıvan” və “Ordu” komandaları qarşılaşacaq. “Ordu” 10 xalla qrupa liderlik edir, “Naxçıvan” isə 9 xalla ikinci pillədədir.
Bundan əvvəlki turun oyununda “Sumqayıt” səfərdə “Lənkəran”ı 98:94 hesabı ilə məğlub edib.
