Beynəlxalq Şahmat Federasiyası (FIDE) mart ayı üçün yenilənmiş dünya reytinq cədvəlini açıqlayıb.
Azərbaycanın ən yüksək reytinqli şahmatçısı Şəhriyar Məmmədyarov möhtəşəm sıçrayış edərək 11-ci pilləyə yüksəlib. O, 2748 reytinq xalı ilə əvvəlki sıralamasından 9 addım irəliləyib.
Azərbaycan şahmatçıları FIDE reytinqində
- Şəhriyar Məmmədyarov – 2748 xal (11-ci yer, +9 pillə)
- Teymur Rəcəbov – 2692 xal (35-ci yer, -3 pillə)
- Rauf Məmmədov – 2657 xal (67-ci yer, +4 pillə)
Dünya şahmat reytinqində liderlik hələ də norveçli Maqnus Karlsendədir. O, 2833 xalla siyahının zirvəsində yer alır.
Qadınlar arasında lider dəyişdi
Azərbaycan qadın şahmatçıları arasında liderlik dəyişikliyi baş verib. Gövhər Beydullayeva 2400 reytinq xalı ilə 43-cü pilləyə ensə də, ölkənin ən yaxşı qadın şahmatçısı olub.
- Gövhər Beydullayeva – 2400 xal (43-cü yer, -2 pillə)
- Günay Məmmədzadə – 2396 xal (51-ci yer, -15 pillə)
- Ülviyyə Fətəliyeva – 2387 xal (57-ci yer, +7 pillə)
- Xanım Balacayeva – 2358 xal (85-ci yer, +4 pillə)
Dünya qadın şahmatçılarının reytinqində Çinli Yufan Hu 2633 xalla liderliyini qoruyur.
