İspaniyanın “Sevilya” klubu La Liqada uğursuz keçən mövsümdən sonra ciddi dəyişikliklərə start verib. Klub rəsmi olaraq yeni baş məşqçisinin adını açıqlayıb – komandanı argentinli mütəxəssis Matiyas Almeida çalışdıracaq.
“Sevilya” ilə 3 illik müqavilə imzalanıb. Müqavilənin maliyyə detalları açıqlanmayıb. Matiyas Almeida son iki mövsümdə Yunanıstanın AEK klubuna rəhbərlik edib və bu müddət ərzində daxili arenada ciddi uğurlara imza atıb. Ondan əvvəl Almeida:
- “River Plate” (Argentina)
- “Banfield” (Argentina)
- “Guadalajara” (Meksika)
- “San Jose Earthquakes” (MLS, ABŞ) kimi klublarda da baş məşqçi kimi fəaliyyət göstərib.
2024/25 mövsümündə “Sevilya” La Liqada cəmi 17-ci yeri tutaraq, tarixində nadir hallarda baş verən şəkildə demək olar ki, liqanı tərk edəcəkdi. Yeni məşqçinin əsas məqsədi komandanı sabitləşdirmək və onu avrokuboklar uğrunda mübarizəyə qaytarmaq olacaq.
