“Mançester Siti” futbol klubu İngiltərə Premyer Liqasına qarşı açılan ilk məhkəmə işində qələbə əldə edib.
Sport-az.com xəbər verir ki, bu haqda “The Times” nəşri məlumat yayıb. Məlumata görə, “Mançester Siti”nin bu uğuru Premyer Liqanın “əlaqədar tərəflər sövdələşməsi” qaydalarının yenidən nəzərdən keçirilməsinə səbəb ola bilər. Qaydalar, klub rəhbərliyinin bağlı olduğu şirkətlərlə sponsorluq müqavilələri bağladıqda, pozulmuş sayılır və bunun ciddi araşdırılmasına gətirib çıxarır. Mütəxəssislər bu qaydalara dəyişiklik edilə biləcəyini, hətta onların ləğvinin mümkün olduğunu vurğulayırlar.
Xatırladaq ki, “Mançester Siti” 2009-2018-ci illər arasında Premyer Liqanın 115 maliyyə qaydasını pozmaqda ittiham olunur.
