“Sumqayıt” klubunun müdafiəçisi İsa Suliman “Asiya Futbol Mükafatları”nın ən yaxşı kişi futbolçusu nominasiyasında namizədlər siyahısına daxil edilib.
Fanat.Az-ın verdiyi məlumata görə, bu barədə klubun mətbuat xidməti açıqlama yayıb.
Mükafatlandırma mərasimi sentyabrın 25-də İngiltərənin məşhur “Uembli” stadionunda baş tutacaq. Sulimanın əsas rəqibləri Şotlandiyanın “Harts” komandasından Yan Dhanda və İngiltərənin “Lester” klubundan Hamza Çodhuri olacaq.
Qeyd edək ki, “Asiya Futbol Mükafatları” Hindistan, Pakistan, Banqladeş, Şri-Lanka, Əfqanıstan, Nepal, Butan və Maldiv adalarından olan futbolçuları bir araya gətirən prestijli futbol mükafatıdır.
