“Turan Tovuz” klubu AFFA İntizam Komitəsinin verdiyi 20 min manatlıq cərimə qərarına münasibət bildirməkdən imtina edib.
Rəsmi açıqlama
Sport-az.com-un məlumatına görə, klubun mətbuat katibi Süleyman Tağıyev bildirib ki, İdarə Heyətinin qərarına əsasən bu mövzu ilə bağlı heç bir açıqlama verilməyəcək.
“İdarə Heyətinin qərarı belədir. Mövzu ilə bağlı hər hansı açıqlama planlaşdırılmır,” — deyə Tağıyev qeyd edib.
Cəzanın səbəbi nədir?
Xatırladaq ki, AFFA İntizam Komitəsi “Turan Tovuz” klubunu 20 min manat məbləğində cərimələyib. Buna səbəb klubun “Şamaxı” ilə oyundan öncə AFFA və PFL-in nüfuzuna zərər gətirən və yarışların şəffaflığını sual altına alan bəyanat yayması olub.
AFFA klubu bu cür addımların futbol ictimaiyyəti arasında mənfi təsir yaratdığını bildirərək, gələcəkdə oxşar halların təkrarlanacağı təqdirdə daha sərt cəzaların tətbiq olunacağını vurğulayıb.
