Azərbaycanın 19 yaşadək futzalçılardan ibarət milli komandası bu gün Avropa çempionatının əsas mərhələsində ilk qarşılaşmasını keçirəcək. Bu, komanda üçün beynəlxalq səviyyədə önəmli sınaqlardan biri olacaq.
Sport-Az xəbər verir ki, oyun Xorvatiyanın Omış şəhərində yerləşən “Ribnyak” İdman Sarayında baş tutacaq. Qarşılaşmanın start fiti Bakı vaxtı ilə saat 19:00-da çalınacaq.
Oyuna nəzarət edəcək hakimlər briqadası üç ölkəni təmsil edir. Matçın baş hakimi slovakiyalı Rastislav Bexançin olacaq. Ona rumıniyalı Liviu Dumitru Çita və isveçli Kastriot Gerksaliu kömək edəcək.
Gənc millimizin bu oyunda göstərəcəyi performans qrup mərhələsindəki taleyini müəyyən edə bilər. Turnirdə uğurlu nəticə əldə etmək üçün əsas mərhələnin ilk oyunu xüsusi əhəmiyyət daşıyır.
