Macarıstanın paytaxtı Budapeştdə 45-ci Ümumdünya Şahmat Olimpiadası uğurla davam edir.
Sport-az.com xəbər verir ki, dörd ardıcıl qələbə qazanan, lakin beşinci turda Hindistana məğlub olan Azərbaycan kişilərdən ibarət milli komandası növbəti turda Litva ilə mübarizə aparacaq.
Azərbaycanın qadın yığması isə üç qələbə və iki heç-heçə ilə Vyetnam komandası ilə qarşılaşacaq. Komanda bu oyunda da güclü çıxış edərək yarışda ön sıralarda möhkəmlənmək üçün ciddi hazırlaşır.
Bu turnir həm kişilərdən, həm də qadınlardan ibarət komandamız üçün böyük əhəmiyyət daşıyır, çünki hər iki komanda güclü rəqiblərlə qarşılaşaraq mövqelərini möhkəmləndirmək və medal qazanmaq üçün şanslarını dəyərləndirir.
