Almaniyada keçirilən 32-ci Ümumdünya Yay Universiadasında uğurla çıxış edən bədii gimnastika üzrə qrup hərəkətləri komandası artıq Bakıya qayıdıb.
Sport-az.com xəbər verir ki, idmançılar Heydər Əliyev Beynəlxalq Hava Limanında Azərbaycan Gimnastika Federasiyasının nümayəndələri, digər idmançılar və ailə üzvləri tərəfindən böyük coşqu ilə qarşılanıblar.
Komandamız yarışda 3 medal qazanaraq tarixə düşüb.
Güllü Ağalarzadə, Ləman Əlimuradova, Darya Sorokina, Yelizaveta Luzan və Kamilla Əliyevadan ibarət qrup müxtəlif proqramlar üzrə:
- 2 qızıl medal,
- 1 gümüş medal əldə edib.
Bu nəticə Universiada tarixində bədii gimnastika üzrə qrup yarışlarında Azərbaycanın ilk komandalı medalları kimi yadda qalıb.
