Madrid “Real”ının hücumçusu Vinisius Junior klub prezidenti Florentino Peres haqqında fikirlərini bölüşüb.
“Florentino Peres mənə həmişə inanıb, hətta heç kimin tanımadığı bir uşaq olduğum vaxtlarda da. Onu böyük hörmət və sevgi ilə qarşılayıram. O, həmişə deyirdi ki, mən “Real”da əbədi oynayacağam, bu isə mənim üçün böyük şərəfdir“, – deyə Vinisius bildirib.
Cari mövsümdə braziliyalı futbolçu bütün turnirlərdə 26 oyuna çıxıb, 16 qol vurub və 10 məhsuldar ötürmə edib. Onun “Real Madrid”lə müqaviləsi 2027-ci ilin yayına qədər qüvvədədir. Transfermarkt portalının məlumatına görə, Vinisiusun bazar dəyəri 200 milyon avro təşkil edir.
