“Bayer” klubunun baş məşqçisi Xabi Alonso mövsüm sonunda “Real Madrid”ə rəhbərlik etməyə hazırdır.
Sport-az.com xəbər verir ki, bu barədə Relevo məlumat yayıb. “Real”, La Liqanın 11-ci turunda “Barselona” ilə oyunda 0:4 hesablı məğlubiyyətdən sonra Alonsoya marağını artırıb. “Kral klubu” baş məşqçi vəzifəsinə Xabi Alonsonu gətirməkdə israrlıdır.
Eyni zamanda, “Real” rəhbərliyi hazırkı baş məşqçi Karlo Ançelottiyə hörmətini qoruyaraq, onu yeni vəzifəyə keçirməyi planlaşdırır. Ançelotti klubda səfir və ya baş məsləhətçi kimi qala bilər.
Qeyd edək ki, “Bayer” ötən mövsüm Xabi Alonsonun rəhbərliyi ilə Bundesliqada çempion olub.
