Azərbaycan Minifutbol Federasiyası 2025/2026 mövsümünün püşkatma mərasimini yüksək səviyyədə təşkil edib. Xəbər verir ki, tədbirdə federasiyanın icraçı vitse-prezidenti Taleh Nəsibov, milli komandanın oyunçuları və ölkənin müxtəlif klublarının nümayəndələri iştirak ediblər.
Tədbir zamanı bu ilin əvvəllərində Bakıda keçirilmiş və Azərbaycan millimizin zəfərilə başa çatan dünya çempionatı xatırlanıb. Taleh Nəsibov çıxışında ölkədə minifutbolun sürətlə inkişaf etdiyini vurğulayaraq, yeni mövsümdə iştirak edəcək komandaların uğurlarını arzulayıb.
Yeni çempionat mövsümündə 16 komandanın iştirak edəcəyi təsdiqlənib. Yarış oktyabrın 27-də start götürəcək və ilk turda komandalar arasında maraqlı qarşılaşmalar gözlənilir.
Bu mövsüm Azərbaycan minifutbolunun inkişafı üçün əhəmiyyətli mərhələdir və idmansevərlər böyük maraqla oyunları izləyəcək.
