Dünya futbolunun əfsanəsi Zinedin Zidanın gələcək karyerası ilə bağlı dumanlı məqamlara aydınlıq gəlib. Məşhur insayder Fabrisio Romanonun verdiyi məlumata görə, fransalı mütəxəssis İngiltərənin “Mançester Yunayted” klubuna rəhbərlik etməyəcək.
Milli komanda ilə şifahi razılıq: Romanonun sözlərinə görə, Zidanın Fransa milli komandası ilə şifahi razılığı var. O, dünya çempionatından sonra Didye Deşamı əvəzləyərək “Xoruzlar”ın sükanı arxasına keçməyə hazırlaşır. Hazırda Zidanla “Mançester Yunayted” arasında hər hansı rəsmi təmasın olmadığı vurğulanır.
Zidanın uğurlu keçmişi: Xatırladaq ki, Zinedin Zidan “Real Madrid”dəki məşqçilik fəaliyyəti ilə tarix yazıb. İki fərqli dövrdə (2016-2018 və 2019-2021) “kral klubu”nu çalışdıran mütəxəssis, bu müddət ərzində:
- 3 dəfə ardıcıl Çempionlar Liqasının qalibi olub;
- 2 dəfə İspaniya La Liqasının çempionluğunu qazanıb.
Maraqlıdır ki, Zidan bu yaxınlarda futbolçu kimi kumirinin uruqvaylı Entso Françeskoli olduğunu da açıqlayıb.
