Bu gün Misli Premyer Liqasının VI turu çərçivəsində oyunlar start götürür. Xəbər verir ki, turun açılış matçı Quba Olimpiya İdman Kompleksinin stadionunda baş tutacaq. Saat 15:30-da start götürəcək qarşılaşmada, turnir cədvəlinin lideri 11 xalla “Zirə” səfərdə 7 xalla 7-ci pillədə qərarlaşan “İmişli” ilə üz-üzə gələcək.
Turun digər oyunu isə saat 19:00-da “Azərsun Arena”da keçiriləcək. Burada 7 xalla 5-ci sırada olan “Qarabağ” və 4 xalla 10-cu pillədə qərarlaşan “Qəbələ” komandaları qarşılaşacaq.
Turun ən məhsuldar oyunçuları arasında Toral Bayramov (“Qarabağ”) və Martins Juniyor (“Zirə”) hər biri 3 qolla öndə gedir. Digər effektiv oyunçular isə Olabe Roberto (“Turan Tovuz”), Coy-Lens Mikels (“Sabah”), Ceyhun Nuriyev (“Zirə”), İssa Cibrila (“Zirə”) və Ba-Muaka Simakala (“Araz-Naxçıvan”)dır, hər biri 2 qol vurub.
Qeyd edək ki, VI turun oyunları sentyabrın 28-də yekunlaşacaq.
