AFFA-nın Uşaq və Yeniyetmələr üzrə Yarışların Təşkili Departamentinin baş mütəxəssisi Zümrüd Ağayeva UEFA tərəfindən daha bir beynəlxalq oyuna təyinat alıb.
Sport-az xəbər verir ki, Ağayeva qadınlardan ibarət komandalar arasında keçirilən Millətlər Liqasının VI qrupunda, C Liqasının III turunda baş tutacaq Şimali Makedoniya – Latviya qarşılaşmasında UEFA nümayəndəsi kimi iştirak edəcək.
Matç 4 aprel tarixində Şimali Makedoniya Futbol Federasiyasının Təlim-Məşq Mərkəzində, Skopye şəhərində keçiriləcək.
