Monte-Karloda keçirilən ATP 1000 turnirində gözlənilməz nəticə qeydə alınıb. İtaliyalı tennisçi Matteo Berrettini turnirin favoritlərindən sayılan Daniil Medvedevi inamlı şəkildə məğlub edərək növbəti mərhələyə yüksəlib.
Wild card ilə yarışa qatılan Berrettini rəqibini cəmi 50 dəqiqə ərzində iki setdə darmadağın edib. Qarşılaşma 6:0, 6:0 hesabı ilə başa çatıb və bu nəticə turnirin ən səs-küylü hadisələrindən birinə çevrilib.
Tarixi nəticə və rekord göstəricilər
Bu qarşılaşma iki tennisçi arasında dördüncü duel idi və Berrettini ilk dəfə Medvedevi məğlub etməyi bacardı. Daha diqqətçəkən məqam isə nəticənin özü oldu – italiyalı rəqibinə bir oyun belə vermədi.
Bu qələbə ilə Berrettini tennis tarixində nadir nailiyyətə imza atdı. O, top-10-da qərarlaşan rəqibi 6:0, 6:0 hesabı ilə məğlub edən cəmi beşinci oyunçu oldu.
Eyni zamanda italiyalı idmançı Masters seriyalı turnirdə növbəti mərhələyə bir oyun belə uduzmadan yüksələn ikinci tennisçi kimi tarixə düşdü. Daha əvvəl bu uğura 2002-ci ildə Lleyton Hyuitt imza atmışdı.
Digər maraqlı fakt isə Medvedevlə bağlıdır. Bu məğlubiyyət onun peşəkar karyerasında ilk dəfədir ki, bir matç ərzində heç bir geym qazana bilməməsi ilə yadda qaldı.
Berrettini artıq 1/8 finala vəsiqə qazanıb və növbəti mərhələdə Joao Fonseka ilə Artur Rinderkneş cütlüyünün qalibi ilə üz-üzə gələcək.
Monte-Karlo turnirində belə inamlı çıxış edən italiyalının forması və psixoloji üstünlüyü onun növbəti qarşılaşmalarda da əsas favoritlərdən biri olacağını göstərir.
