Beynəlxalq dərəcəli hakim-inspektor Asim Xudiyev UEFA-dan növbəti təyinat alıb.
Sport-az.com xəbər verir ki, AFFA-nın rəsmi məlumatına əsasən, Asim Xudiyev UEFA Gənclər Liqasının 2-ci mərhələsinin cavab oyunları çərçivəsində, noyabrın 6-da keçiriləcək “Kayrat” (Qazaxıstan) – “Betis” (İspaniya) qarşılaşmasının hakim-inspektoru olacaq.
Bu görüş Almatı şəhərində, “Kayrat” akademiyasının stadionunda baş tutacaq və matçı türkiyəli baş hakim Kadir Sağlam idarə edəcək.
