Hazırda Səudiyyə Ərəbistanının “Əl Nassr” klubunda karyerasını davam etdirən dünya futbolunun ulduzu Cristiano Ronaldo, təqaüdə çıxacağı ilə bağlı yeni açıqlamalar verib.
Ronaldo 40 yaşına yaxınlaşır
Xarici mətbuata istinadən, 2025-ci ilin fevralında 40 yaşını qeyd edəcək Ronaldo, yaxın illərdə futbolu buraxacağına dair işarə edib. Polşa-Portuqaliya matçından sonra jurnalistlərin suallarını cavablandırarkən, Ronaldo motivasiyasını ön plana çəkib.
Ronaldo nə dedi?
Dünya ulduzu fikirlərini belə ifadə edib:
“Tezliklə 40 yaşım olacaq. Çox əylənmək istəyirəm, motivasiyam olduğu müddətcə davam edirəm. Motivasiya olmadığım gün, bəli, o gün futboldan ayrılacağam.”
Davam edən karyera
Ronaldo hazırda Səudiyyə Ərəbistanında oynamağı ilə yanaşı, dünya futbolunda öz nüfuzunu qorumağa davam edir. Onun karyerasının son mərhələsi də azarkeşlər üçün böyük maraqla izlənilir. Futboldan ayrılacağı an isə, sözsüz ki, futbol dünyasında böyük rezonans doğuracaq.
