Futbol üzrə Azərbaycan Kubokunun 2026/2027-ci illər mövsümü bu gün start götürür. İlk təsnifat mərhələsinin açılış günündə iki qarşılaşma keçiriləcək.
Turnirin ilk oyunlarında “Qaradağ Lökbatan” doğma meydanda “Şəki”ni qəbul edəcək, “Şəmkir” isə “Ağstafa Gəncləri” ilə üz-üzə gələcək. İlk mərhələnin bütün görüşləri bir oyundan ibarət olacaq və qalib komandalar növbəti raunda vəsiqə qazanacaqlar. (pfl.az)
Azərbaycan Kuboku
I təsnifat mərhələsi
7 oktyabr
14:30. “Qaradağ Lökbatan” – “Şəki”
- Hakimlər: Pərviz İbrahimov, Elman Kərimov, Vüsal Xəlilzadə, Kamil Aydınov.
- Hakim-inspektor: Zöhrab Qədiyev.
- AFFA nümayəndəsi: Törə Əhmədova.
- Məkan: Lökbatan Olimpiya İdman Kompleksinin stadionu.
14:30. “Şəmkir” – “Ağstafa Gəncləri”
- Hakimlər: Alik Yunusov, Aydın Baxşıyev, Tural Bayramov, Hacıağa Həsənov.
- Hakim-inspektor: Munis Abdullayev.
- AFFA nümayəndəsi: Mahal Məmmədov.
- Məkan: Şirvan Olimpiya İdman Kompleksinin stadionu.
Azərbaycan Kubokunun I təsnifat mərhələsinin digər görüşləri oktyabrın 8 və 9-da keçiriləcək. Bu raund başa çatdıqdan sonra növbəti mərhələyə yüksələcək komandalar müəyyənləşəcək və turnirdə mübarizə daha da gərginləşəcək.
