Azərbaycanın “Qarabağ” futbol klubu ilk dəfə 2024/25 mövsümündə bir oyunda üç qol buraxdı.
Sport-Az-ın Peşəkar Futbol Liqasının rəsmi saytına istinadən verdiyi məlumata görə, Ağdam təmsilçisi Premyer Liqanın XXI turunda səfərdə “Zirə”yə 2:3 hesabı ilə məğlub olub.
İlk hissədə 2:0 üstünlük qazanan Qurban Qurbanovun komandası ikinci hissədə üç qol buraxaraq məğlubiyyətə uğrayıb.
Sonuncu dəfə “Qarabağ” ötən mövsümdə, 17 may 2023-cü ildə “Turan Tovuz”la matçda (4:3) üç qol buraxmışdı. Bu, 261 gün ərzində bir oyunda üç qol buraxdıqları ilk haldır.
Ağdam klubu ötən turda “Turan Tovuz”a 1:2 hesabı ilə uduzaraq iki oyun ardıcıl məğlub oldu. Bu isə son yeddi mövsümdə ilk dəfə baş verir. Sonuncu dəfə 2017/18 mövsümünün sonunda “Neftçi”yə (0:1) və “Keşlə”yə (indiki “Şamaxı”) 0:3 hesabı ilə məğlub olmuşdular.
