“Neftçi” futbol klubu Azərbaycan Kubokunun 1/4 final mərhələsində “Kəpəz”ə qarşı keçirəcəyi ilk oyuna ciddi heyət problemləri ilə çıxacaq.
Sport-Az-ın məlumatına görə, Rafael Quzu və Dembo Darbo fərdi proqram üzrə məşqlərini davam etdirir. Onlara Andrey Ştoqrin və Edvin Kuç da qoşulub.
Bundan əvvəl zədə alan Rəhman Hacıyev artıq komanda ilə birgə məşqlərə başlayıb.
Qeyd edək ki, “Kəpəz” – “Neftçi” oyunu sabah saat 16:00-da Tovuz şəhər stadionunda keçiriləcək.
