1xBet demək olar ki, mümkünsüzü bacaran komandaların qəhrəmanlıqlarından danışır.
Mançester Yunayted – Bavariya – 2:1 (26 may 1999, Çempionlar Liqasının finalı)
«Qırmızı şeytanlar» finala parlaq üslubda yüksəldilər. Lakin həlledici qarşılaşmada Roy Kin və Pol Skoulzun cəzalı olması səbəbindən Mançesterin oyunu tamamilə pozuldu. Artıq 6-cı dəqiqədə Mario Basler Peter Şmeyxelin səhvindən sonra cərimə zərbəsindən qol vuraraq Bavariyanı önə keçirdi. Matç almanların diktəsi altında keçdi və onlar üstünlüyü artırmaq üçün bir neçə əla fürsəti qaçırdılar. Lakin əlavə olunmuş dəqiqələrdə Devid Bekhemdən gələn iki künc zərbəsindən sonra hər şey dəyişdi. 91-ci dəqiqədə əvəzləmədən daxil olan Teddi Şerinqem hesabı bərabərləşdirdi, 2 dəqiqə sonra isə o, daha bir əvəzləmə oyunçusu Ole-Qunnar Sulşere qol ötürməsi verdi. Bu, Fergi-taym fenomeninin ən parlaq nümunəsi oldu.
Liverpul – Milan – 3:3, penaltilər seriyası – 3:2 (25 may 2005, Çempionlar Liqasının finalı)
İki il əvvəl Çempionlar Liqasının qalibi olmuş Milan bu finalın favoriti sayılırdı. İtalyanlar ilk hissədə güclərini təsdiqlədilər – Paolo Maldini və dubl müəllifi Hernan Kresponun sayəsində 3 cavabsız qol vurdular. Liverpulun vəziyyəti ümidsiz görünürdü, lakin «Qırmızılar» azarkeşlərinin səsləndirdiyi əfsanəvi «You’ll Never Walk Alone» mahnısını eşidəndə dönüşə inanmağa başladılar. İkinci hissədə cəmi 6 dəqiqə ərzində Stiven Cerrard, Vladimir Şmitszer və Xabi Alonsonun qolları ilə Liverpul hesabı bərabərləşdirdi. Sonra isə səhnəyə Yeji Dudek çıxdı – o, bir neçə inanılmaz seyv etdi və penaltilər seriyasında Milanın 5 zərbəsindən 3-nü qaytardı.
Mançester Siti – Kuinz Park Reyncers – 3:2 (13 may 2012, İPL 38-ci turu)
Qələbə «Şəhərlilər»ə çempionluq titulunu təmin edirdi. Lakin sağ qalmaq uğrunda mübarizə aparan KPR əsl döyüş göstərdi və artıq 90-cı dəqiqədə sayca azlıqda olsa da, 2:1 hesabı ilə öndə idi. Lakin əlavə olunmuş dəqiqələrdə Edin Ceko və Serxio Aquero vurduqları qollarla tarixə düşən qızıl dönüşü reallaşdırdılar. Bu, Mançester Sitinin şeyxlər dövründə qazandığı ilk çempionluq oldu.
FK Barselona – Pari Sen-Jermen – 6:1 (8 mart 2017, ÇL 1/8 final mərhələsinin cavab oyunu)
PSJ ilk oyunda 4:0 hesabı ilə qələbə qazanmışdı və bəzi parisli futbolçular «Kamp Nou»dakı görüşdən əvvəl 1:5 hesablı məğlubiyyətlə də razı olduqlarını deyirdilər – əsas odur ki, mərhələ adlasınlar. Amma 87-ci dəqiqədə hesab 3:1 olsa da, Barselonanın supergeri dönüşü hələ qarşıdaymış. Neymarın dubla imza atması və Serji Robertonun son saniyələrdə vurduğu qol dünyada milyonlarla insana tarixi hadisəyə şahidlik etdiyini hiss etdirdi. Barselona avrokuboklar tarixində ilk komanda oldu ki, ilk oyundakı 0:4-lük məğlubiyyətdən sonra mərhələ adlaya bildi.
Liverpul – FK Barselona – 4:0 (7 may 2019, ÇL 1/2 final mərhələsinin cavab oyunu)
Barselona ilk oyunda 3:0 hesabı ilə qalib gəlmişdi, baxmayaraq ki, oyunda tam üstünlük nümayiş etdirməmişdi. Mo Salah və Roberto Firminonun zədə səbəbilə iştiraksızlığı Liverpulun onsuz da zəif olan geri dönüş ümidlərini azaldırdı. Amma «Anfild»də növbəti möcüzə baş verdi – Divok Origi və Corcinyo Veynaldum dubl edərək Barselonanı darmadağın etdilər. Həlledici qolu Origi 79-cu dəqiqədə vurdu. Qeyd edək ki, Veynaldum start heyətində çıxmazdı, əgər Firmino sağlam olsaydı. Bu oyun bir daha sübut etdi: Çempionlar Liqasının pley-off mərhələsində rahatlaşmağa yer yoxdur – maksimum diqqət hər an vacibdir.Ən yaxşı futbol oyunlarından 1xBet Azərbaycan ilə zövq alın!
