AFFA, HatTrick investment proqramı çərçivəsində UEFA-ya müraciət etməyi planlaşdırır. Sport-az.com xəbər verir ki, bu barədə AFFA-nın baş katibi Cahangir Fərəcullayev İcraiyyə Komitəsinin iclasında məlumat verib.
O bildirib ki, AFFA-nın İnkişaf Strategiyasına uyğun olaraq, Futbol İnkişaf Mərkəzinin pilot layihəsi üçün Bayıl stadionunda və onun yaxınlığında yerləşən inzibati binada təmir işləri görüləcək. Eyni zamanda, Ağsu şəhər stadionunun infrastrukturunun Premyer Liqa standartlarına uyğunlaşdırılması məqsədilə UEFA-ya müraciət ediləcək.
Bundan əlavə, Birinci Regional İnkişaf Mərkəzinin inşası və aşağı yaş qrupları üzrə liqaların keçirilməsi üçün iki futbol meydanının ot örtüyünün dəyişdirilməsi nəzərdə tutulub. Bu işlərin həyata keçirilməsi üçün sənədləşmə və layihələndirmə mərhələsinə start veriləcək.
AFFA-nın planları:
- Bayıl stadionu və inzibati binada yenidənqurma
- Ağsu stadionunun Premyer Liqa standartlarına uyğunlaşdırılması
- Birinci Regional İnkişaf Mərkəzinin yaradılması
- İki meydanın ot örtüyünün yenilənməsi
