Səudiyyə Ərəbistanının paytaxtı Ər-Riyadda keçirilən VI İslam Həmrəyliyi Oyunlarında Azərbaycanın 79 kq çəki dərəcəsində təmsilçisi Ravin Alməmmədov böyük uğur əldə edib. Yarışa ezam edilmiş əməkdaşın məlumatına əsasən, Ravin birdən qaldırmada 155 kiloqram götürərək gümüş medala layiq görülüb. Təkanla qaldırmada isə 190 kiloqramla üçüncü yeri tutub. Ümumilikdə isə o, toplam 345 kiloqram nəticə ilə yarışın ikinci pilləsinə yüksəlib.
Əldə etdiyi bu üç medal Azərbaycan ağırlıqqaldıranlarının İslamiadada qazandığı 7-ci mükafatdır. Xatırladaq ki, əvvəllər də Nuray Əbilova (48 kq) 3 bürünc, İsa Rüstəmov (71 kq) isə 1 gümüş və 2 bürünc medal qazanmışdı.
