7-8 dekabr tarixlərində Tokioda (Yaponiya) keçirilən və 2024-cü ilin cüdo üzrə bütün yaş kateqoriyaları üçün yarış təqviminin yekun turniri olan “Böyük Dəbilqə” turniri başa çatdı.
Sport-az.com saytının məlumatına görə, Azərbaycan milli komandası bu yekun turnirdə iştirak etməsə də, “Böyük Dəbilqə” seriyasını 23 medal (4 qızıl, 9 gümüş, 10 bürünc) ilə başa vuraraq ümumi sıralamada 6-cı yeri tutdu. Birinci yerə Yaponiya (26 qızıl, 15 gümüş, 34 bürünc) çıxıb.
İllik ümumi reytinqdə isə Azərbaycan bütün yaş kateqoriyaları üzrə dünyada 12-ci yerə (59 qızıl, 42 gümüş, 88 bürünc) layiq görülüb. Bu reytinqin lideri isə Fransa (156 qızıl, 135 gümüş, 238 bürünc) olub.
Xatırladaq ki, Azərbaycanın qazanılan 4 qızıl medalından ikisi Olimpiya Oyunlarında, digər ikisi isə dünya çempionatında əldə edilib.
