Albaniyanın paytaxtı Tiranada keçirilən U-23 dünya çempionatı sona çatıb.
Sport-az.com Azərbaycan Güləş Federasiyasına istinadən xəbər verir ki, sərbəst güləş üzrə milli komandamız çempionatı 1 qızıl, 2 gümüş və 1 bürünc medalla tamamlayıb. Ümumi 100 xal toplayan millimiz komanda hesabında dünya üçüncüsü olub. Yarışda İran 158 xalla birinci, Yaponiya isə 102 xalla ikinci yeri tutub.
Qeyd edək ki, Azərbaycan milli komandasının heyətində Maqomed-Başir Xaniyev (70 kq) qızıl, Ruslan Abdullayev (61 kq) və Arseniy Djioyev (86 kq) gümüş, Cəbrayıl Qadjiyev (74 kq) isə bürünc medal qazanıb.
