Şimali Makedoniyanın paytaxtı Skopyedə təşkil olunan U-17 Avropa çempionatında Azərbaycanın sərbəst güləş yığması böyük uğura imza ataraq komanda hesabında çempion olub. Sport-az.com xəbər verir ki, sərbəst güləş millisi turnirdə ümumilikdə 6 medal qazanaraq rəqiblərini geridə qoyub. Güləşçilərimizdən:
- 3 nəfər qızıl medal,
- 1 nəfər gümüş medal,
- 2 nəfər bürünc medal əldə edib.
Bu nəticə ilə Azərbaycan komandası 151 xal toplayaraq birinci yeri tutub. İkinci yeri Ukrayna (144 xal), üçüncü yeri isə Gürcüstan (116 xal) qazanıb.
Qızıl medalçılar:
- Rəvan Həsənzadə – 48 kq
- Ruslan Əlizadə – 55 kq
- Səid Paşayev – 92 kq
Gümüş medalçı:
- Həsən Həsənov – 60 kq
Bürünc medalçılar:
- Ramal Mirhüseynov – 51 kq
- Hakim Tağıyev – 110 kq
Yığmamıza bu böyük nailiyyəti qazandıranlar – böyük məşqçi Əsgərxan Novruzov, məşqçilər Vahid Məmmədov və Yaşar Əliyev – gənc idmançılarımızın hazırlığında mühüm rol oynayıblar.
