Oktyabrın 17-dən 19-dək Meksikanın Qvadalahara şəhərində təşkil olunacaq Cüdo üzrə Qran-Pri turnirində Azərbaycan millisinin 11 idmançısı qüvvəsini sınayacaq. Kişilərdən ibarət yığma baş məşqçi Riçard Trautman və böyük məşqçi Elçin İsmayılovun rəhbərliyi altında müxtəlif çəki dərəcələrində mübarizə aparacaq.
Milli komanda aşağıdakı idmançılardan ibarətdir:
- 60 kq: Əhməd Yusifov, Balabəy Ağayev
- 66 kq: Ruslan Paşayev, Yaşar Nəcəfov
- 73 kq: Hidayət Heydərov, Rəşid Məmmədəliyev
- 81 kq: Vüsal Qələndərzadə, Zelim Tçkayev
- 90 kq: Murad Fətiyev
- 100 kq: Zelim Kotsoyev
- +100 kq: Uşanqi Kokauri
Turnirdə ümumilikdə 35 ölkədən 248 cüdoçu (154 kişi, 96 qadın) iştirak edəcək. Azərbaycan idmançıları da podiuma yüksəlmək və ölkəmizi layiqincə təmsil etmək üçün yarışacaqlar.
