İtaliyanın Peruca şəhərində keçirilən dünya çempionatında yüksək nəticələr əldə edən Azərbaycan kung-fu millisi vətənə qayıdıb.
Heydər Əliyev Beynəlxalq Aeroportunda idmançılar media nümayəndələri, azarkeşlər və yaxınları tərəfindən alqışlarla qarşılanıblar. İdmançılarımız “Light sanda” kateqoriyasında çıxış edərək ümumilikdə 7 medal qazanıblar: 5 qızıl və 2 gümüş.
Qızıl medal qazananlar
- Amina Əliyeva (11 yaş, 38 kq) — qızlar arasında dünya çempionu oldu. O, Heydər Əliyev Fondunun vitse-prezidenti Leyla Əliyevanın qızı və Prezident İlham Əliyevin nəvəsidir.
- Rəsul Əsgərov (11–12 yaş, 36 kq)
- Hüseyn Əliyev (13–15 yaş, 48 kq)
- Toğrul Mikayılov (böyüklər, 65 kq)
- Əllər Orucov (böyüklər, 75 kq)
Gümüş medal qazananlar
- Əli Baxışov (11–12 yaş, 33 kq)
- Əkbər Əhmədzadə (13–15 yaş, 70 kq)
Üçüncü yer komanda hesabında
Toplam nəticəyə görə Azərbaycan yığması komanda hesabında üçüncü yeri tutub və bir daha dünya səviyyəsində yüksək nəticə göstərdiyini sübut edib.
