Xorvatiyanın paytaxtı Zaqrebdə təşkil olunan dünya çempionatında uğurlu çıxış edən Azərbaycanın yunan-Roma güləşi üzrə milli komandası Bakıya qayıdıb. Sport-az.com-un “Report”a istinadən məlumatına görə, idmançılarımızı Heydər Əliyev Beynəlxalq Hava Limanında jurnalistlər və ictimaiyyət nümayəndələri qarşılayıblar.
Yığmamız komanda hesabında 89 xal toplayaraq ikinci yeri tutub. Təmsilçilərimiz yarışda ümumilikdə dörd medal qazanıblar:
- Qızıl medal: Ülvi Qənizadə (72 kq)
- Gümüş medal: Həsrət Cəfərov (67 kq)
- Bürünc medal: Eldəniz Əzizli (55 kq)
- Bürünc medal: Murad Əhmədiyev (92 kq)
Bu nəticə Azərbaycanın yunan-Roma güləşçilərinin beynəlxalq arenadakı uğurlarını bir daha təsdiqləyib.
