24-27 dekabr tarixlərində Bakının İdman Sarayında yunan-Roma və sərbəst güləş üzrə Azərbaycan çempionatı təşkil olunacaq. Yarış Azərbaycan Güləş Federasiyası və Gənclər və İdman Nazirliyinin təşkilatçılığı ilə keçiriləcək.
Çempionatda medal qazanan idmançılar milli komandanın tərkibinə daxil ediləcək. Yarışlar həm yerli, həm də xarici hakimlər tərəfindən idarə olunacaq.
İlk iki gün ərzində yunan-Roma güləşi üzrə çempionlar müəyyənləşəcək, sonrakı günlərdə isə sərbəst güləş üzrə qaliblər bəlli olacaq. Gündəlik olaraq saat 10:00-da ilkin qarşılaşmalar, saat 17:00-da isə final görüşləri keçiriləcək.
Yarışlara giriş ödənişsizdir.
