Oktyabrın 16-17-də paytaxtda 14 yaşadək yeniyetmə cüdoçular öz güclərini sınayacaqlar. Azərbaycan Cüdo Federasiyasının verdiyi məlumata əsasən, Abşeron Olimpiya İdman Kompleksində baş tutacaq yarışda 66 klub və idman cəmiyyəti təmsil olunacaq. Ümumilikdə 460 idmançı (397 oğlan, 63 qız) 18 müxtəlif çəki dərəcəsində Bakı birinciliyinin medalları uğrunda mübarizə aparacaq.
Turnir yeniyetmə idmançılar üçün təcrübə toplamaq və gələcək uğurları üçün vacib platforma kimi qəbul edilir. Yarış ölkədə cüdo idmanının inkişafını dəstəkləmək və yeni istedadların üzə çıxarılmasına imkan verəcək.
