“Barselona” Portuqaliyanın “Milan”da çıxış edən futbolçusu Rafael Leaonu heyətinə cəlb etmək istəyir.
Sport-az.com xəbər verir ki, Portuqaliya mətbuatının məlumatına əsasən, 25 yaşlı vinger 2025-ci il üçün Kataloniya klubunun əsas transfer hədəflərindən biridir. Bildirilir ki, Leao özü də bu təklifə müsbət yanaşır. “Barselona”da Rafael Leaonu “Atletik” klubunun futbolçusu Niko Vilyamsdan daha üstün hesab edirlər.
Qeyd edək ki, Rafael Leao bu mövsüm “Milan”ın heyətində 14 oyuna çıxaraq 3 qol vurub və 5 məhsuldar ötürmə edib.
