Dünya Cüdo Turunun təqvimi bu il yeni Qran-pri yarışları ilə daha da zənginləşdirilib. Sport-az.com-un məlumatına görə, Beynəlxalq Cüdo Federasiyası (IJF) cari ilin yarış proqramına bir neçə yeni Qran-pri turniri daxil edib. Əlavə olunan yeni turnirlər aşağıdakılardır:
- 26-28 sentyabr tarixlərində Çinin Qinqdao şəhərində Qran-pri turniri keçiriləcək. Qeyd edək ki, Qinqdao 2013-2015-ci illərdə də Qran-pri yarışlarına ev sahibliyi etmişdi.
- 10-12 oktyabr tarixlərində Perunun Lima şəhərində Qran-pri turniri baş tutacaq.
- Bundan əlavə, daha əvvəl Meksikanın Qvadalaxara şəhərində Qran-pri turnirinin keçiriləcəyi elan olunmuşdu. Bu yarış isə 17-19 oktyabr tarixlərində baş tutacaq.
Beləliklə, Dünya Cüdo Turunun proqramı yeni məkanlar və yarışlarla daha da maraqlı və rəngarəng olacaq.
