Yarıağır çəkidə dünya çempionu Dmitri Bivol və həmyerlisi Artur Beterbiyev arasında üçüncü döyüş 2025-ci ilin sonuna qədər Ər-Riyadda keçirilməsi planlaşdırılır. Sport-Az xəbər verir ki, bu barədə Bivolun nümayəndəsi məlumat verib.
23 fevral gecəsi Bivol Artur Beterbiyevlə revanş döyüşündə hakimlərin bölünmüş qərarı ilə qalib gələrək WBC, IBF, WBO və WBA versiyaları üzrə çempion kəmərlərini ələ keçirdi. Onların ilk döyüşü 2024-cü ilin oktyabrında baş tutmuş və həmin qarşılaşmada Beterbiyev eyni qaydada – hakimlərin bölünmüş qərarı ilə qələbə qazanmışdı.
“Üçüncü döyüşün ilin sonuna qədər Ər-Riyadda keçirilməsi planlaşdırılır“, – deyə agentliyin mənbəsi bildirib.
Beynəlxalq Boks Assosiasiyasının (IBA) rəhbəri Umar Kremlyov isə Bivol və Beterbiyevin üçüncü döyüşünün “Lujniki” stadionunda keçirilməsini təklif edib. Bu arada, Dünya Boks Şurası (WBC) Bivolun növbəti döyüşünü məcburi namizəd olan amerikalı Devid Benavidezə qarşı keçirməli olduğunu açıqlayıb.
