“Çelsi” İngiltərə klubu Çempionlar Liqasının qrup mərhələsinin 4-cü turunda “Qarabağ”a qarşı oyunda əsas itki ilə üzləşəcək. Klubun baş məşqçisi Entso Mareska bildirib ki, yarımmüdafiəçi Koul Palmer zədə səbəbindən komandasını təxminən 6 həftəlik müddətdə tərk etmək məcburiyyətindədir və bu səbəbdən “Qarabağ”la matçda da oynaya bilməyəcək.
23 yaşlı futbolçunun olmaması “Çelsi” üçün əhəmiyyətli bir itki sayılır. Qarşıdakı oyunlar ərəfəsində komandada digər oyunçuların da vəziyyəti diqqətlə izlənilir.
Qeyd edək ki, “Qarabağ” və “Çelsi” arasında görüş noyabrın 5-də Bakıda, Tofiq Bəhramov adına Respublika Stadionunda keçiriləcək və saat 21:45-də başlayacaq.
