Birləşmiş Ərəb Əmirliklərinin Dubay şəhərində davam edən kişi boksçular arasında dünya çempionatı 1/8 final mərhələsində Azərbaycan milli komandası parlaq nəticələr göstərib. 6 idmançımız rəqiblərini məğlub edərək 1/4 finala vəsiqə qazanıb.
1/4 finala yüksələn boksçularımız
Sübhan Məmmədov (48 kq) Tacikistanlı Mehron Şafiyev üzərində 5:0 (30:27 x5) hesabı ilə üstünlük təsdiqləyib və növbəti mərhələdə Özbəkistanlı Şodiyorjon Melikuzyevlə qarşılaşacaq. Məhəmmədəli Aşurəliyev (60 kq) Gürcütsandan Artuş Qomtsyana 5:0 (30:27, 30:27, 30:26, 30:27, 30:27) qalib gəlib, 1/4 finalda Özbəkistanlı Abdumalik Xalokovu sınaqa çəkəcək.
Zaur Qəhrəmanov (67 kq) Arqentinadan Tomas Kasazzanı 5:0 (30:25, 30:26 x3, 30:26) məğlub edib, növbəti rəqibi Rusiya təmsilçisi Yevgeni Kul olacaq. Cəidcəmşid Cəfərov (75 kq) Bəhreynli Amir Abbas-a 5:0 (30:26, 30:27 x4) üstünlük təsdiqləyərək Özbək Fazliddin Erkinboyevlə görüşə hazırlaşır.
Alfonso Dominqes (92 kq) debütündə Arqentinadan Matias Veronu ikinci raundda nokautla məğlub edib, 1/4 finalda Moldovalı Andrey Zaplitnini gözləyir. Məhəmməd Abdullayev (+92 kq) Kamerundan Mvoqo Zaçaryeni 5:0 (30:27, 29:28, 30:27, 29:28, 30:27) udub və Türkmənistanlı Dovlet İslamovla qarşılaşacaq.
Bu gün milli komandadan daha 3 boksçu 1/8 finalda ringə çıxacaq.
