Dünya boksunun canlı əfsanələrindən biri, keçmiş mütləq dünya çempionu Nino Benvenuti 88 yaşında vəfat edib. Sport-az.com xəbər verir ki, bu barədə məşhur boks portalı BoxingScene məlumat yayıb. Ölüm səbəbi barədə rəsmi açıqlama verilməyib.
Benvenuti 1960-cı ildə öz vətəni İtaliyada keçirilən Yay Olimpiya Oyunlarında qızıl medal qazanmaqla dünya arenasında ilk böyük uğurunu əldə etmişdi. Bundan əlavə, o, Avropa çempionatında da iki dəfə zirvəyə qalxmışdı.
Peşəkar karyera və titullar
- 1965–1966-cı illərdə birinci orta çəki dərəcəsində mütləq dünya çempionu olub
- 1967-ci ilin aprelindən sentyabrına, eləcə də 1968–1970-ci illərdə orta çəkidə dünya titulunu qoruyub saxlayıb
- 1971-ci ildə rinq karyerasına nöqtə qoyub
Əbədiləşdirilmiş ad
Nino Benvenuti 1996-cı ildə Beynəlxalq Boks Şöhrət Zalına daxil edilərək boks tarixinə qızıl hərflərlə yazılıb.
